فلسطین اپ ڈیٹ: اسکول حملے میں 30 افراد شہید، جنگ بندی اب تک ناکام، عالمی عدالت اسپین پہنچ گئی

دوسری جانب مصر اور قطر کے ثالثوں نے کہا کہ وہ توقع کرتے ہیں کہ حماس آنے والے دنوں میں جنگ بندی کی تازہ تجویز پر اپنا ردعمل پیش کرے گی کیونکہ تباہ کن جنگ کو روکنے کے لیے دونوں جانب سے سمجھوتہ کرنے کے لیے دباؤ بڑھ رہا ہے۔ ڈاکٹرز ودآؤٹ بارڈرز کا کہنا ہے کہ دیر البلاح میں الاقصیٰ ہسپتال زخمیوں اور ہلاک شدگان سے بھرا ہوا ‘ڈوبتا ہوا جہاز’ ہے۔ وسطی غزہ کئی دنوں سے اسرائیلی افواج کے مسلسل حملوں کی زد میں ہے اور اسے ‘تباہی کا منظر’ قرار دے رہا ہے۔

اسرائیلی فوج نے کہا کہ اس کے جنگی طیاروں نے جنوبی لبنان کے تین علاقوں پر بمباری کی۔ اسرائیلی فضائیہ کے تازہ ترین حملوں میں جبل رجلین کے علاقے کے ساتھ ساتھ جنوبی لبنان میں رامیہ اور کفر کلی کے دیہات کو نشانہ بنایا گیا۔ اسرائیلی فوج نے کہا کہ راتوں رات تازہ ترین حملوں میں حزب اللہ کے “فوجی ڈھانچے” کو نشانہ بنایا گیا۔

بین الاقوامی عدالت انصاف میں سپین

اسپین نے اعلان کیا ہے کہ وہ بین الاقوامی عدالت انصاف میں غزہ میں اسرائیل کے اقدامات کے خلاف جنوبی افریقہ کی نسل کشی کے مقدمے کا فریق بنے گا۔ ہسپانوی وزیر خارجہ جوز مینوئل البرز کا کہنا ہے کہ اسپین غزہ میں اسرائیل کے جاری قتل عام کے خلاف عالمی عدالت انصاف میں نسل کشی کے مقدمے میں جنوبی افریقہ کے ساتھ شامل ہوگا۔ اسپین اس کیس میں شامل ہونے والا پہلا یورپی ملک ہے، چلی اور میکسیکو بھی اس کیس میں شامل ہیں۔ آپ کو بتاتے چلیں کہ 28 مئی کو اسپین نے فلسطین کو آزاد ریاست کے طور پر تسلیم کرنے کا باضابطہ اعلان کیا تھا۔