انتظامیہ مسلمان لڑکیوں کی تبدیلی مذہب بند کرے تب ہی اجتماعی شادی ملتوی ہوگی، مولانا توقیر رضا

اتحاد ملت کونسل (آئی ایم سی) کے سربراہ مولانا توقیر رضا خان نے کہا ہے کہ 21 جولائی کو ہونے والی اجتماعی نکاح کی تقریب اسی صورت میں منسوخ ہو گی جب انتظامیہ مسلمان لڑکیوں کی تبدیلی مذہب کو روکے گی۔ انہوں نے کہا ہے کہ 21 جولائی کو تجویز کردہ پروگرام کو ملتوی نہیں کیا گیا ہے۔ امید ہے انتظامیہ ہمیں اجازت دے گی۔

مولانا نے مطالبہ کیا ہے کہ جن لوگوں نے مسلمان لڑکیوں کا مذہب تبدیل کرکے ان کی شادیاں کیں ان کی بھی تحقیقات ہونی چاہئے اور کارروائی ہونی چاہئے۔ جب تک ہمیں یہ یقین دہانی نہیں مل جاتی ہم اپنا پروگرام ملتوی نہیں کر سکتے۔ تاہم انہوں نے یہ بھی کہا ہے کہ اگر ہمیں اجازت نہیں ملی تو ہم قانون کے خلاف کچھ نہیں کریں گے۔

اشتہار

مولانا نے بدھ کی شب جاری ایک بیان میں کہا کہ پروگرام ملتوی کرنے کا خط ہماری سفارش کے بغیر جاری کیا گیا۔ انہوں نے الزام لگایا کہ انتظامیہ نے ہمارے مختلف مطالبات پر کارروائی کی یقین دہانی کرائی ہے اس لئے عہدیداروں نے پروگرام ملتوی کرنے کا خط جاری کیا۔ تاہم بعد میں انتظامیہ نے ہمارے مطالبات پر کوئی کارروائی نہیں کی۔